منی لانڈرنگ کیس میں عدالت نے وزیراعظم اور حمزہ شہباز کی حاضری معافی کی درخواست منظور کرلی ہے۔
تفصیلات کے مطابق عدالت میں شہبازشریف، حمزہ شہباز اور دیگر کیخلاف منی لانڈرنگ ریفرنس پر سماعت ہوئی ہے۔
شہباز شریف اور حمزہ شہبازکی ٹیم نے آج کی حاضری معافی کی درخواست دائرکی تھی، جس میں بتایا گیا ہے کہ وزیراعلیٰ حمزہ شہباز بجٹ اجلاس میں مصروف ہیں اور وزیراعظم شہباز شریف بھی مصروفیت کے باعث عدالت پیش نہیں ہوسکے گے، اس لیے انہیں آج حاضری سے استثنیٰ دیا جائے۔
احتساب عدالت کے جج نسیم ورک نے منی لانڈرنگ ریفرنس کیس میں وزیر اعلیٰ اور وزیراعظم کی حاضری معافی کی درخواست منظورکرلی۔
