کراچی میں موسلادھار بارش

کراچی میں تیزہواؤں کے ساتھ اچانک بادل برس پڑے،، جس سے موسم خوشگوارہوگیا۔۔ تاہم کئی سڑکیں اور نشیبی علاقے زیرآب آگئے۔ مختلف علاقوں میں ٹریفک جام ہوگیا۔ محکمہ موسمیات نے بارش کا سلسلہ چودہ یا پندرہ ستمبر تک جاری رہنے کی پیش گوئی کردی۔

کراچی میں موسلادھار بارش۔ گرمی نودو گیارہ۔شہریوں کے چہرے کھل اٹھے۔۔ نشیبی علاقے زیرآب۔

چوون کلومیٹرفی گھنٹہ کی رفتارسےچلنےوالی ہواؤں کے ساتھ برستی بارش نے جل تھل ایک کردیا۔ نیپا، یونیورسٹی روڈ، پی ٹی وی اسٹیشن سے متصل شہزاد خلیل روڈ، نیشنل اسٹیڈیم روڈ اور دیگرسڑکیں زیرآب آگئیں،، کئی مقامات پرٹریفک جام ہونے سے شہریوں کومشکلات کا سامنا کرنا پڑا۔

سڑکوں پر پانی جمع ہونے سے جہاں شہریوں کو مشکلات کا سامنا کرنا پڑا،، وہیں گرمی کے ستائے شہریوں نے سکھ کا سانس بھی لیا۔

محکمہ موسمیات نے بارشوں کا چودہ سے پندرہ ستمبرتک جاری رہنے کی پیش گوئی کی ہے۔

بارش کے بعد کےالیکٹرک نے شہریوں کو برقی آلات کو گیلے ہاتھوں یا ننگے پیروں کے ساتھ چھونے سے گریز کرنے کا مشورہ دیا ہے۔

اپنا تبصرہ بھیجیں