ملک بھر میں یوم فضائیہ جوش و جذبےکے ساتھ منایا جا رہا ہے

07 ستمبر 1965ء کا دن پاک فضائیہ کی تاریخ کا سنہری باب ہے۔ پاک فضائیہ کے شعبہ تعلقات عامہ نے 1965 کی جنگ کے غازیوں اور شہداء کو خراجِ عقیدت پیش کرتے ہوئے ایک مختصر دستاویزی فلم جاری کی ہے جس میں 7 ستمبر 1965 کو لڑے جانے والے فضائی معرکے کا احوال بیان کیا گیا ہے ۔

یوم فضائیہ کے حوالے سے پاک فضائیہ کے شعبہ تعلقات عامہ کا 1965 کی جنگ کے غازیوں اور شہداء کو خراجِ عقیدت

07 ستمبر 1965ء کا دن پاک فضائیہ کی تاریخ کا سنہری باب ہے۔ اس دن پاک فضائیہ کے شاہینوں نے جو ناقابلِ فراموش کارنامے سر انجام دیئے انہیں دنیا کی دفاعی تاریخ میں ہمیشہ جلی حروف میں لکھا جائے گا۔ پاک فضائیہ کے شعبہ تعلقات عامہ نے 1965 کی جنگ کے غازیوں اور شہداء کو خراجِ عقیدت پیش کرتے ہوئے ایک مختصر دستاویزی فلم جاری کی ہے جس میں 7 ستمبر 1965 کو لڑے جانے والے فضائ معرکے کا احوال بیان کیا گیا ہے ۔

1965 کی جنگ میں پاک فصائیہ کے جانبازوں نے وطن عزیز کی فضائی حدود کا دفاع کرتے ہوئے دشمن کو شکست دی۔ پوری قوم کو پاک فضائیہ کے شاہینوں کی پیشہ ورانہ صلاحیتوں پر ناز ہے۔ آج بھی پاک فضائیہ کا ہر فرد 1965ء والے جذبے سے سرشار اور دشمن کی ہر چال کا جواب دینے کیلئے ہمہ وقت تیار ہے۔