پاکستان آرمی میں عمران خان کے بیان پر شدید غم و غصہ۔ آئی ایس پی آر کے مطابق نازک وقت میں پاک فوج کی سنیئر قیادت کو متنازعہ بنانے کی کوشش انتہائی افسوسناک ہے ۔پاک فوج قوم کی سکیورٹی اور حفاظت کیلئے ہر روز جانیں قربانی کر رہی ہے۔ پاک فوج میرٹ پر یقین رکھتی ہے، میرٹ کے لحاظ سے پاک فوج کو بہترین ادارہ کہا جاتا ہے۔ایک سپاہی کا بیٹا بھی آرمی چیف بن سکتا ہے اور جنرل کا بھی۔ پاک فوج آئین پاکستان کی بالادستی کے عزم کا اعادہ کرتی ہے
فیصل آباد جلسے میں عمران خان کا آرمی چیف کی تعیناتی سے متعلق بیان۔آئی ایس پی آر کاردعمل۔۔ بیان ہتک آمیز اور غیرضروری قرار۔
آئی ایس پی آر کی جانب سے کہا گیا ہے کہ نازک وقت میں پاک فوج کی سینئر قیادت کو متنازع بنانے کی کوشش افسوسناک ہے۔ ہتک آمیز اور انتہائی غیر ضروری بیان پر پاکستان آرمی میں شدید غم و غصہ ہے۔ پاک فوج قوم کی سکیورٹی اور حفاظت کے لیے ہر روز جانیں قربان کر رہی ہے۔ پاک فوج کی سینئر لیڈر شپ کی اہلیت اور حب الوطنی اُن کی دہائیوں پر محیط بے داغ اور شاندار عسکری خدمات سے عیاں ہے۔ بیان پاک فوج کی اعلیٰ قیادت کو سیاست میں ملوث کرنے کی کوشش ہے۔
آئی ایس پی آر کے مطابق آرمی چیف کی تعیناتی کے طریقہ کار کو متنازع بنانا پاکستان کے مفاد میں ہے نہ ہی پاک فوج کے مفاد میں ہے۔ پاکستان آرمی اسلامی جمہوریہ پاکستان کے آئین کی بالادستی کے عزم پر قائم ہے۔فوج میں ایک سپاہی کا بیٹا بھی آرمی چیف بن سکتا ہے اور ایک جنرل کا بیٹا بھی آرمی چیف سکتا ہے۔
