وزیر اعظم پاکستان میاں شہباز شریف نے کامن ویلتھ گیمز اور اسلامک سالیڈیریٹی گیمز میں میڈل حاصل کرنے والے قومی کھلاڑیوں کو 22 اگست کو پی ایم ہاوس مدعو کر لیا.
برمنگھم میں منعقد ہونے والی گیمز میں پاکستان نے دو گولڈ سمیت 8 میڈل حاصل کیے ہیں جبکہ ترکی میں جاری اسلامک سالیڈیریٹی گیمز میں بھی ارشد ندیم سمیت دیگر کھلاڑیوں نے میڈل حاصل کیے انہیں کیش انعامات سے نوازا جائے گا، کامن ویلتھ گیمز میں پاکستان کے ارشد ندیم اور نوح دستگیر بٹ نے گولڈ میڈل حاصل کیے تھے جبکہ انعام بٹ، زمان انور اور شریف طاہر نے سلور جبکہ علی اسد، عنایت اللہ اور شاہ حسین شاہ نے برانز میڈل جیت رکھے ہئں، کامن ویلتھ گیمز کے میڈلسٹ میں 2 کروڑ 30 لاکھ روپے کے کیش انعامات تقسیم کیے جائیں گے.
