ریسلر انعام بٹ اور زمان انور گولڈ میڈل میچ ہار گئے۔
برمنگھم کامن ویلتھ گیمز میں پاکستان کو تین اور میڈل مل گئے۔ ریسلنگ ایونٹ میں انعام بٹ اور زمان انور نے سلور اور عنایت اللہ نے برانز میڈل اپنے نام کیا۔چھیاسی کلوگرام فائنل میں گزشتہ گیمز کے گولڈ میڈلسٹ انعام بٹ کا مقابلہ بھارت کے دیپک پونیا سے تھا۔اس فیصلہ کن میچ میں انعام بٹ اپنی گزشتہ پرفارمنس دہرانے میں ناکام رہے۔اور انہیں تین صفر سے شکست ہوئی۔ ایک سو پچیس کلو گرام فائنل میں زمان انور کا سامنا کینیڈا کے ڈیزی سے تھا تاہم زمان انور یہ مقابلہ دو نو سے ہار گئے۔اس سے پہلے کھیلے گئے برانز میڈل میچ میں عنایت اللہ نے سکاٹ لینڈ کے روس کونیلی کے خلاف زبردست داو لگاکر گیارہ صفر سے انہیں چاروں شانے چت کیا۔پاکستان کے کامن ویلتھ گیمز میں مجموعی میڈلز کی تعداد اب پانچ ہوگئی ہے۔ دوسرے روز تین مزید ریسلرز رنگ میں اتریں گے جن میں اسد علی، شریف طاہر اور طیب رضا شامل ہیں۔ دوسری جانب
پاکستان کے شجر عباس نے دو سو میٹر ریس کے فائنل کیلیے کوالیفائی کرنے میں کامیاب رہے سیمی فائنل کی ہیٹ ون میں شجرعباس نے تیسری پوزیشن حاصل کی۔ ٹائٹل کیلیے آٹھ ایتھلیٹس یفتہ کی رات ایکشن میں ہوں گے۔
