ہیلی کاپٹر حادثہ میں شہیدہونے والے پاک فوج کے افسران اور جوان کی نماز جنازہ ادا کردی گئی،، شہید کور کمانڈر لیفٹیننٹ جنرل سرفراز علی اوربریگیڈیئر خالد کی نماز جنازہ میں آرمی چیف نے شرکت کی ،شہدا کو فوجی اعزاز کے ساتھ سپرد خاک کیاگیا۔
شہید کور کمانڈر لیفٹیننٹ جنرل سرفراز علی اورشہید بریگیڈیئر خالد کی نماز جنازہ گوئٹہ گریژن میں ادا کی گئی۔آرمی چیف جنرل قمر جاوید باجوہ ،گورنر، وزیراعلیٰ بلوچستان، صوبائی وزراء، سول و عسکری حکام اور شہداء کے لواحقین نے نماز جنازہ میں شرکت کی ۔
آئی ایس پی آر کے مطابق آرمی چیف نے شہداء کے اہل خانہ سے ملاقات بھی کی۔
سرفراز علی اور شہید بریگیڈیئر خالد کے اجساد راولپنڈی منتقل کردیئے گئے۔ شہدا کوآرمی قبرستان راولپنڈی میں فوجی اعزاز کے ساتھ سپرد خاک کیا جائے گا۔
ہیلی کاپٹر حادثے میں شہید ہونے والے میجر طلحہ منان، میجر سعید اور نائیک مدثر فیاض کی آبائی علاقوں میں نماز جنازہ ادا کی گئی۔
میجر طلحہ شہید کی نماز جنازہ راولپنڈی میں ادا کی گئی۔
میجر سعید کی نماز جنازہ لاڑکانہ میں ان کے آبائی علاقے میں پڑھی گئی۔
نائیک مدثر فیاض کی نمازجنازہ شکر گڑھ میں ادا کی گئی ۔
آرمی ہیلی کاپٹر حادثے کے شہداء کو مکمل فوجی اعزاز کے ساتھ سپرد خاک کیا گیا ۔
