ٹیسٹ کرکٹر احمد شہزاد نے پی سی بی سے اپنی رپورٹ پبلک کرنے کا مطالبہ کر دیا۔ مجھے پتہ ہی نہیں مجھ پر کیا الزام لگایا گیا ۔وقار یونس کی رپورٹ پر میرا کیریئر کارنر کیا گیا۔
لاہور میں میڈیا سے گفتگو میں احمد شہزاد کا کہنا تھا کہ چاہتا ہوں رپورٹ کو پبلک کیا جائے ۔ کبھی کچھ غلط نہیں کیا۔ میرے پاس بھی اپنے دفاع کے لئے بہت کچھ ہے۔ اگر میں نے کچھ غلط کیا ہے تو مجھے اس کا بتایا جائے۔ سزا دی جائے لیکن کیریئر کیساتھ نہ کھیلا جائے۔ میں کنڈکٹ کے تحت تمام چیزیں کررہا ہوں مجھے کارنر کرنے کی کوشش کی گئی ۔ کوئٹہ گلیڈی ایٹرز میرا گھر ہے۔ کوئٹہ کی ٹیم نے ہمیشہ اچھی کرکٹ کھیلی۔
