پنجاب حکومت نے آئندہ مالی کے بجٹ کے چالیس مطالبات زر کی منظوری دیدی،صوبائی وزیر خزانہ سردار اویس لغاری کاکہنا تھا الیکشن سے قبل ہمارے لئے بڑے بڑے چیلنجز ہیں۔
ایوان اقبال میں ہونیوالے بجٹ اجلاس میں پنجاب حکومت نے 27 کھرب 11ارب 67کروڑ23 لاکھ روپے کے 40 مطالبات زر کثرت رائے سے منظور کرلیے، محکمہ پولیس کیلئے ایک کھرب 49ارب، تعلیم کیلئے 81ارب 50کروڑ،صحت کیلئے ایک کھرب 83ارب کے مطالبات زر منظور کیے گئے،زراعت کیلئے 20ارب4کروڑ ، محکمہ آبپاشی کیلئے 24ارب91کروڑ روپے ،سڑکوں اور پلوں کی تعمیر کےلئے ایک کھرب ایک ارب روپے کے مطالبات زر منظور کیے گئے۔
اجلاس سے خطاب میں وزیر خزانہ اویس لغاری کا کہنا تھا اگر آئی ایم ایف کے پروگرام میں نہ ہوتے تو ترقیاتی بجٹ کیلئے ساڑھے تین سو ارب روپے مزید موجود ہوتے۔ وزیراعلیٰ پنجاب حمزہ شہباز نے بجٹ اجلاس میں شرکت کی،،،ایجنڈا مکمل ہونے پر اجلاس 23جون دوپہر 2 بجے تک ملتوی کر دیا گیا۔
