چار دہائیوں تک لوگوں کے چہروں پر مسکراہٹیں بکھیرنے والے ٹی وی اورتھیٹر کےسینئر اداکار مسعود خواجہ طویل علالت کے بعد انتقال کرگئے، وہ گردوں کے عارضے میں مبتلا تھے۔ اداکاری اور مزاح کا منفرد انداز،مسعود خواجہ کی خاص پہچان تھی۔
مسعود خواجہ طویل عرصے سے گردوں کے عارضے میں مبتلا تھے،ان دنوں وہ راولپنڈی کے ہولی ہسپتال میں زیر علاج تھے ۔مسعود خواجہ نے اپنے فنی کیرئیر میں ڈرامہ “گیسٹ ہاؤس” اور “خواجہ آن لائن” سمیت کئی مشہور ڈراموں میں کام کیا.
انہوں نے سٹیج ڈراموں میں بھی پرفارم کیا۔وہ اپنے خاص انداز اور چٹکلوں سے حاضرین کو ہنسا ہنسا کو لوٹ پوٹ کر دیتے۔
اپنی بے مثال اداکاری سے لاکھوں دلوں پر راج کرنے والا یہ فنکار 56 برس کی عمر میں اس جہان رنگ بو سے رخصت ہوگیا۔
