قومی سلیکشن کمیٹی نے دورہ سری لنکا کے لیے سکواڈ کے کھلاڑیوں کو فائنل کر لیا جس کا اعلان آئند 24 سے 48 گھنٹوں میں کر دیا جائے گا، دورہ کی تیاری کے لیے کیمپ پنڈی کرکٹ سٹیڈیم میں لگایا جائے گا۔
پاکستان سر ی لنکا کی ٹیموں کے درمیان دو ٹیسٹ اور تین ایک روزہ میچوں کی سیریز اگلے ماہ شیڈول ہے، چیف سلیکٹر محمد وسیم نے ٹیم انتظامیہ کے ساتھ ابتدائی مشاورت مکمل کر لی ہے، چئیرمین رمیز راجہ کی منظوری کے بعد ٹیسٹ سکواڈ کا اعلان اگلے دو روز میں کر دیا جائے گا،
آسٹریلیا کے خلاف ٹیسٹ سیریز میں حصہ لینے والی پاکستان ٹیم کے سکواڈ میں زیادہ تبدیلیوں کا امکان نہیں، تاہم محمد نواز اور یاسر شاہ کی ٹیسٹ سکواڈ میں واپسی کا امکان ہے، ٹیم میں دوسرے وکٹ کیپر کے لیے سرفراز احمد اور محمد حارث کے ناموں پر ابھی غور کیا جا رہا ہے.
دونوں ممالک کے درمیان ٹیسٹ سیریز آئی سی سی ٹیسٹ چیمپیئن شپ کا جبکہ ون ڈے سیریز آئی سی سی ورلڈ کپ سپر لیگ کا حصہ ہیں۔
